Stjernesmell i serieopninga

FOTO: Rolf Hansen (arkiv)

Midsund tok leiinga, men tapte til slutt heile 1-5 borte mot sterke Tomrefjord i serieopninga fredag.

Tekst:

Publisert:

Midsundingen
Midsundingen

Ingmar Midsund sende gjestane i front allereie etter 15 minutt i Vestnes idrettspark, men Daniel Sundet utlikna for Tomrefjord før pause.

Kampen skulle eigentleg vore spelt på Midsund stadion, men grasbana var ikkje kampklar. Kunstgraset er under utskifting, men heimekamp vert det på grasbana 27. april mot Malmefjor-den.

Utspelt siste 45

Etter pause på Vestnes var det Tomrefjorden for alle pengane. Erlend Søberg skåra ekte hattrick på ti minutt, medan Kenneth Frostad stadfesta sluttresultatet kvarteret før slutt til 5-1.

Allereie neste fredag skal Midsund attende til Vestnes Idrettspark og møte Vestnes Varfjell.

Dei tapte 2-3 i Åndalsnes etter å ha kome under på overtid før pause.

På stillinga 0-3 starta Varfjell ein sluttspurt som kom litt i seinaste laget.

Eide vann 2-0 mot Surnadal, medan Magne Hoseth skåra mål for Averøykameratene borte mot Sunndal.

Diverre for Lasse Olsen sine menn vart det 2-3 tap.

Elnesvågen fekk ein skikkeleg 0-7 karamell i Kristiansund, medan Træff2 møter Malmefjor-den søndag.

ANNONSE
Annonse