Surt Midsund-tap på Vestnes

FOTO: Rolf Hansen

Midsund hadde det eine poenget i lomma på 1-1 ti minutt før slutt i Vestnes idrettspark. So skåra Vestnes Varfjell to mål, og Midsund tapte andre seriekamp 1-3.

Tekst:

Publisert:

Midsundingen
Midsundingen

Eirik Melsæther fekk sin Midsund-debut fredag, for eit gjeste-mannskap som nok ein kamp mangla nokre viktige brikker.

Spelande trenar Even Heggdal hadde med seg 14 spelarar i troppen, og dei var i store periodar fullt på høgde med Vestnes Varfjell.

Seine skåringar

Midsund tok leiinga etter halve timen spelt. Vetle Heggdal sette panna på eit hjørnespark som var på veg inn i Vestnes-buret.

Målet kom i ein god Midsund-periode, der gjestane hadde hatt 2-3 store sjansar i forkant av leiinga.

Heimelaget hadde på si side også eit par feite måltilbod, men fekk ikkje hol på Gunnar Hofstad i Midsund-målet.

Diverre fekk Vestnes ein utlikning minuttet rett før pause. Tommy Kanishi gjekk etter eit innlegg frå høgre, og ein Midsund-forsvarar var uheldig å beine ballen i eige mål.

Etter pause var det heimelaget som var førande i medvinden. Vestnes var særs nære på å ta leiinga, men stong og tverra stod i vegen for avslutningane til Vegard Ellingseter og Elling Olafsen.

Midsund stod godt i mot, men so rakna det dei siste ti minutta.

Først ein retur frå målvakt Hofstad, som Tommy Kanishi sette i mål.

Deretter 3-1 langt på overtid.

Viktig neste

Dermed har Midsund opna sesongen med to bortetap.

Fredag kjem Malmefjorden til Midsund stadion. Laget som rykka opp saman med Midsund sist haust har opna sesongen med full pott på to kampar.

Først vart Træff2 slått 5-1 borte før Åndalsnes vart slått 1-0 fredag.

Sistnemnde sikra seg den gamle Molde-helten Knut Anders Fostervold som trenar før helga.

46-åringen skal også vere med som spelar frå tid til anna, og var med i troppen som tapte 0-1 mot Malmefjorden.

Kampen på Midsund stadion fredag vert viktig for heimelaget.

I ein tredje kamp vann Elnesvå-gen 2-1 mot Sunndal.

ANNONSE
Annonse