27 drepne i amerikansk droneangrep i Afghanistan
Eit amerikansk droneangrep i Kunar-provinsen i Afghanistan har kosta 27 menneske livet, ifølgje lokale styresmakter.
Alle dei drepne var Taliban-opprørarar, ifølgje Welayat Khan, som sit i provinsrådet i Kunar. Om dei høyrde til den afghanske eller pakistanske delen av Taliban, er uklart.
Opprørarane var ifølgje Khan samla ved ein religiøs skule i Chawgam-området, som blei angripen med rakettar frå ei drone.
USA er åleine om å operera slike dronar i området, men har ikkje kommentert angrepet.
Ein fraksjon av Tehrik-e Taliban, pakistanske Taliban, har etablert basar i Kunar-provinsen, som grensar til Pakistan.
USA gjennomførte i fjor rundt 2.000 fly- og droneangrep mot det som blir rekna for opprørsmål i Afghanistan, dobbelt så mange som året før.
(©NPK)