Johannes Thingnes Bø vann NM-sprinten
Johannes Thingnes Bø tok NM-gullet på skiskyttarsprinten trass tre strafferundar. Lars Helge Birkeland tok sølv.
Bø var til slutt 7,5 sekund før Birkeland, mens Vegard Bjørn Gjermundshaug frå Alvdal, med ein bom på siste ståande, tok bronsen 10,8 sekund bak.
Johannes Thingnes Bø var som vanleg raskast inn til første skyting. Han fekk derimot ein strafferunde og gjekk ut 5,4 bak Fredrik Gjesbakk.
På den ståande skytinga måtte Markane-løparen ut i to strafferundar. Han hadde 3,8 sekund opp til leiande Birkeland, som hadde ein bom frå liggjande skyting. Ved første mellomtid hadde derimot stryningen i kjend stil teke inn det tapte og gått fordi Birkenes-løparen.
Emil Hegle Svendsen hadde konkurransecomeback etter å ha slite med sjukdom etter OL. Han hadde ein bom på kvar av skytingane og enda langt nede på listene på ein 29.-plass, slegen med 1.58,8 av Bø.
(©NPK)
Johannes Thingnes Bø gjekk inn til gullet på sprinten til mennene under NM fredag. Foto: Heiko Junge / NTB scanpix