Löfven i møte med Nord-Koreas utanriksminister
Nord-Koreas utanriksminister Ri Yong-ho har møtt Sveriges statsminister Stefan Löfven i Stockholm, men innhaldet frå samtalen er ukjent.
Dei to møttest i morgontimane fredag i regjeringsbygninga Rosenbad, bekreftar Löfvens kommunikasjonsavdeling. Men det er ikkje kjent kva dei to snakka om, og mesteparten av det som skjer rundt Ris besøk i Stockholm er hemmeleg.
Frå før er det kjent at Ri skal møte sin svenske motpart Margot Wallström.
Ri landa på Arlanda ved 18-tida torsdag. Seinare same kveld vart det kjent at han forlenger besøket i Sverige til søndag.
Møtet i Stockholm kan danne grunnlag for det varsa møtet som skal finne stad innan utgangen av mai mellom Nord-Koreas leiar Kim Jong-un og USAs president Donald Trump, melder TT.
(©NPK)
Nord-Koreas utanriksminister Ri Yong-ho og delegasjonen hans avbilda ved framkomst til den nordkoreanske ambassaden på Lidingö i Stockholm torsdag kveld. Foto: Vilhelm Stokstad/TT / NTB scanpix
Nord-Koreas utanriksminister Ri Yong-ho avbilda under ei mellomlanding i Beijing torsdag, på veg frå Nord-Korea til Sverige. Foto: AP / NTB scanpix