PST etterforskar ingen drapstruslar mot politikarar etter Listhaug-bråket
Politiets tryggingsteneste (PST) har den siste veka ikkje registrert straffbare ytringar mot verken Sylvi Listhaug, Jonas Gahr Støre eller andre toppolitikarar.
Politiets tryggingsteneste (PST) har den siste veka ikkje registrert straffbare ytringar mot verken Sylvi Listhaug, Jonas Gahr Støre eller andre toppolitikarar.
Både pressa og ulike parti har omtalt at fleire politikarar har fått drapstruslar den siste veka.
PST opplyser derimot til NRK at dei førebels ikkje etterforskar nokon straffbare ytringar.
- Av sakene vi har vurdert til no, er det ingen vi har vurdert som straffbare, seier seniorrådgjevar Martin Bernsen i PST.
Men politiet bekreftar at temperaturen er svært høg i nettdebattane om saka og Bernsen seier dei følgjer med og vil ta det på alvor om nokon rettar truslar mot politikarar.
- Dersom nokon skulle true myndigheitspersonar med vald eller oppfordre til vald skal dei vere klar over at det kan få konsekvensar, seier Bernsen.
Avgått statsråd Sylvi Listhaug har i lang tid hatt fast vakthald av livvakter frå PST.
(©NPK)
Avgått statsråd Sylvi Listhaug har i lang tid hatt fast vakthald av livvakter frå PST. Her forlèt ho NRK tysdag kveld, same dag som ho gjekk av som justisminister. Foto: Cornelius Poppe / NTB scanpix