Sakna turistar funne ved Kebnekaise
Seks sakna franske turistar er funne i området ved Sveriges høgste fjell Kebnekaise.
- Eg kan ikkje seie noko om helsetilstanden deira akkurat no. Men vi kjem til å prate med dei så snart vi kan og prøve å finne ut kva som har skjedd, seier polititalsperson Marie Jakobsson.
Dei seks turistane vart meldt sakna søndag kveld då dei ikkje kom fram til Kebnekaise fjellstasjon som planlagt. Dårleg vêr har gjort leiteaksjonen vanskeleg.
I området ved Kebnekaise var det rundt ti minusgrader og kuling natt til måndag. Det er registrert vindkast med storm styrke.
(©NPK)