Skiskyting: Norsk sølv i junior-VM
Sturla Holm Lægreid frå Bærum Skiklubb gjekk inn til ein sterk 2.-plass på 15 kilometer normaldistanse under junior-VM i skiskyting torsdag.
Lægreid fekk tre tilleggsminutt. Det same gjorde den russiske vinnaren Igor Malinovskij. Lægreid var i teten etter siste skyting, men russaren var klart best på ski i den siste delen og vann med 19,4 sekund på nordmannen.
Johannes Dale blei nest beste norske på 13.-plass. Han fekk fem tilleggsminutt og var 2.38,6 minutt bak vinnaren.
Sivert Guttorm Bakken blei nummer 22 og Endre Strømsheim nummer 42.
I kvinneklassen blei Emilie Aagheim Kalkenberg beste norske på 12.-plass under 12,5 km normaldistanse. Kalkenberg gjekk i mål 5.32,4 minutt bak polske Kamila Zuk, som vann på tida 41.36,1. Den norske junioren måtte tola fem tilleggsminutt, mens den polske vinnaren fekk to.
Sølvet gjekk til Anna Kryvonos frå Ukraina 3.04,7 bak, mens russiske Irina Kazakevitsj tok bronse 3.20 bak Kryvonos.
Kjersti Kvistad Dengerud blei nummer 16, Une Christiane Tronerud Kvelvane nummer 33 og Malin Bergtun nummer 54.
(©NPK)