Stoltenberg får ny rådgjevar 

Arbeidarpartiets Mari Aaby West blir ny rådgjevar for NATOs generalsekretær Jens Stoltenberg. 

West overtar etter Randi Ness, som har vore Stoltenbergs høgre hand sidan han overtok som generalsekretær i Nato i 2014.

I dag er West politisk rådgjevar i Arbeidarpartiet. Ho er også vararepresentant på Stortinget for Arbeidarpartiet i Telemark.

- Eg er glad for at Mari har takka ja til jobbe med meg. Eg har kjent henne sidan ho sat i leiinga i AUF. Mari har, trass sin unge alder, lang politisk fartstid og brei internasjonal erfaring. Eg ser fram til at ho kjem til Nato, og gler meg til å jobbe med henne, seier Stoltenberg.

West tiltrer i august.

(©NPK)

Mari Aaby West flyttar i august til Brussel for å begynne å jobbe som rådgjevar for NATOs generalsekretær Jens Stoltenberg.
Foto: Berit Roald / NTB scanpix