Telia og Chess slår seg saman
Merkevarene Telia og Chess blir no slått saman etter at mobilselskapa fusjonerte og flytta funksjonar frå Bergen til Oslo og Trondheim i fjor.
- Alle mobilkundane beheld same pris og datamengde som dei har, og dei treng ikkje å gjere noko eller bekymre seg for å byte sim-kort. Alt skjer automatisk, seier Kjersti Jamne, som leier privatmarknaden i Telia Norge.
Telia Norge håpar at den forenkla merkevareporteføljen i privatmarknaden vil føre til at Telia Norge ligg i forkant av utviklinga i mobilmarknaden.
- Når vi no slår saman merkevarene, forenklar vi og gjer det betre for kundane samtidig som vi styrkjer vår konkurransekraft i det norske marknaden, seier Jamne.
Chess har appellert til unge mobilbrukarar, og sjefen for privatmarknaden seier at målgruppa vil bli varetatt.
Kommunikasjonsrådgjevar Kristian Fredheim i Telia seier til NA24 at den siste samanslåinga ikkje skal ha noko å seie verken for kundane eller dei tilsette.
- Det einaste som skjer er at dei som no jobbar med Chess, vil jobbe med Telia i staden, seier han.
(©NPK)
Illustrasjonsfoto: Lise Åserud / NTB scanpix