Venstre-fylkesleiar meiner Listhaug bør gå

Leiar Leif Gøran Wasskog i Finnmark Venstre meiner regjeringa ikkje bør ofrast for å hegne om justisminister Sylvi Listhaug (Frp).

- Når du har ein minister som er såpass på kollisjonskurs med både opinionen i Stortinget og det samarbeidsprosjektet som vi prøver å få til på borgarleg side, så er det viktig at ho går av, seier Wasskog til VG.

Wasskog er blant dei mest Frp-kritiske stemmene i Venstre.

Måndag ettermiddag vart det klart at KrF ikkje har tillit til justisminister Sylvi Listhaug. Dette kan i ytste konsekvens bety at regjeringa må gå, dersom Erna Solberg vel å stille kabinettsspørsmål.

(©NPK)

Justisminister Sylvi Listhaug (Frp) gav ei atterhaldslaus unnskyldning i Stortinget torsdag. Venstre-fylkesleiar Leif Gøran Wasskog meiner Listhaug likevel bør gå av. Foto: Gorm Kallestad / NTB scanpix